عليّ محمد بالرسالة شهدنا ... من سمع ذكر له يصلي لزوم
وقال عبد العزيز الهاشل في بيته:
وين أنت يالي لي رفيق ... ودي ارمرم دارنا
البته اشطيب بالشقيق ... أصيح وانخا جارنا
لكن غدي منخل دقيق ... نكنس وطار غبارنا
سمعت لاخشابه طقيق ... لوي سفي بقشارنا
الفار تسمع له نغيق ... ليتك تشوف أوجارنا
شرو على طب البريق ... ماسده اكل ابزارنا
سكران حظي لو يفيق ... يأخذ لبعض اشوارنا
لدعيك للعالم طريق ... ننحاش لو بعمارنا
الفقر صادن بالمضيق ... ما ينفعن اعذارنا
انحاش ويعطي بالحيق ... اما قدم بثارنا
وقال أيضًا يتمنى الفلاحه:
يا مال قلب مولع بالفلايح ... احلا من الحرفه على كل أبو حال
والله لو انه قليلة مصالح ... لي جا لهيب القيظ قيلت بظلال
واللي يحمي دينه بلاشك رابح ... دنيا تزول ولو جمع مال واعيال
ماشوف قلب واعي للنصايح ... الناس مفتونه وجماعة ريال
يا الغافل المسكين وين أنت رايح ... اذكر عذاب القبر كان أنت رجال
باكر يجيك الحق ولا هي مزايح ... تذهب خرافاتك ويبقن الأعمال
يا ساتر العورات يوم الفضايح ... استر على اللي خايف راجي ذال
صلوا على اللي بين الدين واضح ... محمد سن الشرايع ولازال
وقال:
يا العير دفلج قبل نعشي ... قبل الطواريق نخطبها