ونهودها قد لامسهن ... يا الله تناوش مقاضيبه
مما قال عبد العزيز المحمد الهاشل نصيحة:
أستغفر الله أنا استهديه ... عن الخطية وزلاتي
ما أقول قول وأنا ما بيه ... أخاف تذهب حسناتي
أبليس وكم واحد مغويه ... وده يزفه بهفوات
والا العمل ربنا محصيه ... زينه وشينه بلوحاتِ
واللي نجح ربنا هاديه ... يبشر بعز وكرامات
واللي يعصي ربنا مخزيه ... يبشر بغم وندامات
والعمر زلف بقي تاليه ... عليك بكثر الصلواتِ
واللي مضى ربنا يعفيه ... البهرجه والخرافات
وقال يهجو الدار:
يا دار لا دارن عليك الدواير ... لي صار ما بك لي معازيب وعيال
أول حياتي وآخره با العزاير ... لي جيت ابنجح زادني زود غربال
الحظ لانوخ تضيع البصاير ... هميت اعضد له ولا طاع ينشال
يقول وش لك بالغثا والتجاير ... بيزيك اليا حصلت يوميّ اريال
* * * *
يا شين كل الناس حطت عماير ... وانا تمني عشة فوقي ظلال
ابيه ذرا لي عن قعودي بعاير ... أو قولة يحول ما عنده ادلال
والله لولا الدين وهم الخساير ... لي شري لي ادويرة وبعدين حلال
لو كان حظ ما يشيل الكباير ... لي شفت حاله قلت غاشيه سلال