واقضب جراني قال: الصبح شاكين ... وحنا هل الديره سيكاه مبطين
زرعك ردي ولا نفع به سوانيك ... ثمِّن علينا كل ما شفت راعين
لي راحت الشيمات نصبر نوريِّك ... نبني على جال النواحي دكاكين
قلت له:
عندي مقمَّع واتختلك وارميك ... وكلة على شانك شريته بتسعين
بيَّنْت مكنوني عسى الله يناهيك ... أكبر خطيه جيت زريع المساكين
وعدتني للشرع هيا وأماشيك ... يمَّ الخريصي ما حكم فيه مرضين (١)
اسمع وليدك بالعطالة يوصِّيك ... وانتم ورا العتمور عن متوازين
إلى جلسنا بيَّن الله حجاويك ... لا تكثر اللجات بالسوق تخوين
لو أنت فالج ما اتنازل وأخليِّك ... الا أنت وعيالك ورا الحزم مقفين
الخد معشب والحمد الله مغنيك ... قصدك زريعي تقشطه لي، طواعين
قال لي الجرذي:
لي صار هذا أولك ينعاف تاليك ... انا وعيالي عن زريعك غنيين
كيف الحميدي بالزريع يخاويك ... أصلك رزيل وعند فلس تقاصين (٢)
قلت:
عساك مثلي راعي الدين واطيك ... يمشي وينشد هم هل الزرع قاضين؟
والله ما أسامح وانا اذكر مراعيك ... يوم أنت وعيالك سواة الخيافين
تقطف زريعي لين جبَّر عتاريك ... أصلك سيروق ومرضعينك شياطين
فقال الجردي:
احلف يمين الشرع ما أقفٍ حواليك ... انا وعيالي بالخطية مقرين