هذا نواش الهرج ما جان تثبيت ... يا من يثبت لي واعده نعالي
ما فادني ممشاه لي صار تزنيت ... والله لو انه ظبيٍّ السهَال
حسن النبا لو أن شينه علا ميت (١) ... يدمح من الزلات مثل الجبال
قال ابن هاشل في رجل أحاله ابن غضية عليه بنقود فلم يعطه إياها حتى ألزمه لذلك أمير خب القبر فوزان الصالح:
يا أبو غضيه خاب ظني بكوبان ... يا عد مواعيدٍ ولا هي وفيِّه
سوى لي اللي ما يسويه سكران ... وسيع وجه ولا يهاب الخطيه
يا شين ما جيتك على غير برهان ... ولا جيت شحان واقول: الحذيه
والحق مريودٍ ولو أنت كرهان ... يا سرع ما تأتي عليك المنيه
لا تصير مثل اللي بهيم وحيوان ... الصق هو والكذب عنده سويه
نسيت يوم انك من الدَّيْن غرقان ... يوم أنت هلكان وبشيتك عريه
واليوم تاجر مير غاشيك حرمان ... ما شفت من مثلك يفَشَّل خويه
اثرك حليل مير نكلك فوزان (٢) ... حَلَّ البلا بك يوم جتك الشكيه
يوم التحظ لك جبتهن وأنت عجلان ... يعيش أبو صالح يحلّ القضيّه
شعر ابن هاشل في حظه:
الابن هاشل قصائد طريفة في حظه سبق بعضها، ومنها قوله يخاطب في أولها شيخنا العلامة القاضي عبد الله بن محمد بن حميد:
وش قلت يا ابن حميد وان جيت شكاي؟ ... حظي وبي ما طاع يمشي شريعه
حَدَّن على المنحاة مانيب سَنَّاي ... لولاه مقرودٍ خذه لي بديعه