شيب عيني كان انه احساده ... غابطن يا شين في كثر تغريدي
صوتي اللي تسمعه ما هو اعناده ... لي طر لي قمت اروجع بالصعيد
وانت يا المسكين حبك للوساده ... ما بقليبك للهوى شي يفيد
يا أم سالم سامحيني والافاده ... كيف طاب ولاني مستفيد
من يصيدك مثل من صاد الجراده ... صوتك الرنان والباقي زهيد
قالت:
امسك الطاروق وخلن للقراده ... اثرك المكار والنذل العنيد
هازك الشيطان وصاير لك رفاده ... تي تزرن يا الجديعي بالوريد
دون روحي والعلم الوكاده ... وام سالم عنده الراي السديد
قلت: معروفه يا ام سالم بالشراده ... كم حلال ضاع بأيام الحصيد
انتي اللعوب ولعبك به نكاده ... ملهية الرعيان بايام الشديد
قالت يا الجديعي واشين البلاده ... لا تكلف ما والله تصيد
آخذةٍ حذري ولا لي بك عواده ... والطمع ما ينفعك لوبه مزيد
قلت:
يا حلال السحت ما لي بك اراده ... اطمنني لا يجي قلبك رعيدي
كل هذا الخوف وانت بك شداده ... تكتمين الصوت بالبر البعيد
قالت:
الله العالم بما تضمر عباده ... والطلب راعيه يهتم بالأكيد
وانت يالمغرور ما عندك جلاده ... وقتك اللي راح ما هولك يعيد
قلت:
اتنازل يا ام سالم ما ابي لك قصاده ... انتجع البراق والمرعي الجديد
انتي مثل التبن ما يسوي حصاده ... لا ضواه البرد بايام الجليد
قالت ابرك الأيام واتحالفك السعاده ... وام سالم ما تبي شوف البليد
من عرفتك وانته في حلقي اكراده ... فارقن، خل اتهنا في مديدي