يوم الثلاثا وافق القلب بسرور ... مكتوب لقيته بالغماره زهاها
اهلا عدد ما حرك الريح مطرور ... واعداد نبات علها من سماها
واعداد خلق الله من ادم الي الصور ... وعد الجراد اللي نشر من وطاها
جاني جوابك يا حلا كل منظور ... يا شمعة البلور ما احلى ضواها
فرحت به فرحة من ظهر وهو مقهور ... والا وجيع العين جاها ادواها
يا للي كما نور القمر وانت بك نور ... زود على نوره، ورجلي فداها
لذة جوابك حين ما جات مصطور ... برَّد وجع رجلي وروحي نعاها
انتي بها الدنيا كما وصف بللور ... فقتي علي الزينات الي منتهاها
يا ريحة العنبر على ورد وزهور ... يا نجمة بالصبح نوره غشاها
لعل همك ينجلي عنك بسرور ... آمين عسى نفسك تحصّل مناها
لعل من هانك يجي عقله اقصور ... لعل عينه ينتزح عنه ماها
انتي بها الدنيا كما الدر منثور ... واحلا من العنبر على مستواها
انتي طري وانتي حلا كل مذكور ... يا لذة الدنيا على من بغاها
يامنوة العشاق يا حسنة الصور ... يا بكرة الرحمن ما احلى بناها
يا غيمة هلت مطرها بشختور ... على النفود اللي بعيد ثراها
تشكين عليّ الحال يا شمعة النور ... كلبها الدنيا يقلب غثاها
انا صبرت اسنين وانت اصبر شهور ... لا بد ما تاصل الي منتهاها
لو الجدا نفسي انا كان مخطور ... نفسي فدى لنفس من هو فداها
ويفداه غيري من لبس دلع وخصور ... ويفداه ابين بالجمايل تراها
ويفداه من حط المناظر ومسرور ... على حياته يتبع اللي وراها
ويفداه من حط المخامير وعطور ... تومي بزينه توري اللي وراها
ويفداه من قاد المراكب بطابور ... يم البحور اللي كثير شقاها
ياما عيوني يا بعد كل مصفور ... يا نافلة بالزين كل اقصراها
انتي سبب اشفاي يا طلعة النور ... يا غيمة بالصبح يبرق سماها
ساعة قريت الخط وانا منك مسرور ... ربي كريم يوم رجلي شفاها