نلعب ورق وانتابع المسلسلاتِ ... والا جوائز لو نحصِّل على كرت
فقال الوالد:
يا وليدي فكن ما نبي جائزاتِ ... جوايزي لي صرت عندي وبكَّرت
واكبر مصيبة لي تركت الصلاةِ ... هذي الخساره لي جلست وتفكرت
فقال الولد:
ترى اعيال الناس في هالسواةِ ... ماني لحالي لا تحسبن تعكرت
انته تحسبك في سنين مضاتِ ... ما فارق المنزل وتزعل إلى رحت
فقالت الوالدة:
يا وليدي لو شفتن اوايق على الباب ... ليلي قضى ما ذقت لذة منامي
واليا سمعت اسعاف دشن الأرهاب ... ارفع ايديني ثم اعضض ابهامي
فقال الابن:
مع شلتي والله ولا احسب احساب ... متسلي مع شلتي بالتمامِ
ليلي قضى وانا امازح بالأحباب ... ولا انت على بالي ولا باهتمامي
فقال الوالد:
يا وليد خل المزح لا تصير لعاب ... وكثر السهر يرث عليك الوهامِ
القلب لامك بين الأضلاع مرتاب ... كل ما كبرت اشوي زاد الغرامِ
فقال الابن:
يا بوي لا تكثر عليَّه بالأطلاب ... مانيب لمك لا تزيد الكلامِ
ابي الحق الشلة مع الكيف لي طاب ... واللي هم الصحبه وجل اهتمامي
فقالت الوالدة:
يا عبرتي يا مهجتي يا حلالي ... خل اتهنى بك بتالي حياتي
حتى يهون اللي على القلب صالي ... حر على قلبي ابحبك بتاتِ
فقال الابن:
يا بوه انا لازم اتابع مجالي ... ليالي السهرات عَلْيَهْ فواتِ