وقال سلامة العبد الله الخضير:
خطك لفي يا محمد واشغل البال ... والعين حاربها لذيذ الرقاد
تذكر لي انك جيت مطوية الجال ... شربت من ماها واخذت المراد
من فوق جمس بويته تشعل اشعال ... عوايده يرقي الوعر والسَّنَادي
نصيت غرس زاهي ماله اشكال ... ما اشوف له بين الغرايس ملادي
اللي غرسهن زل فيه القدم زال ... دنيا تزول ولا عليها اعتماد
دنياك راحت بين راحل ونزال ... ومن لا مشى دَلَّى يحوف الشداد
مما قاله سلامة العبد الله الخضير:
البارحة يوم المخاليق نيمين ... وانا بقلبي تقل يسني سواني
تقول يا سليمان: ما قلت بيتين ... وانا على كبدي سُمُوم شواني
هيض بي الهوجاس والغبن والدين ... الله لا يبلاك باللي بلاني
الحمد للي بَدَّل العسر يسرين .... يوم أن (ابوصالح) من الما سقاني
يوم ان صالح كلما اصبحت يشكين .. . وكّلْ عليّ وعيفوني مكاني
عَلَّهْ البوصالح نهور وبساتين ... الله يوسع منزله بالجنان
عله يفوز إلى نصين الموازين ... يوم الجوارح ينطقن واللسان
ابوه واجداده على الطيب ماشين ... سَلْم لهم طول الدهر والزمان
الجيش تكرم خيل والَّا بعارين ... والعصر تسحب للضيوف الصياني
هذا وقد طرق سلامة الخضير أغراضا عديدة من أغراض الشعر من ذلك قوله في الغزل:
لي هنت يا المندوب بَلَّغ سلامي ... للي عن الضيقات لي درع وحزامْ