اسمع كلامي يا السفيه حطه على صدرك وسام ... القرد ما نوخ جمال والنفخ ما طفى لهيب
غروك قالوا لك رفيع والطين تاجك با النعام ... دخان ساسك من رماد لو ارتفع ساقه هبيب
ما شوف في سطح البحر غير الجثث ويا الركام ... والا الدرر بالقاع تحت ما كل من طاله يجيب
لا لا يغرك صمتي عنك الخيل بلسانه لجام ... الجحش يسرح بالخلا ينهق ولا حوله حسيب
انا تركتك من هوى يمين من صلى وصام ... لو التفت لك طرف عين تصرخ كما الرخمة نحيب
الحر يعفو ما يخاف الحلم من طبع الكرام ... مثلي ترفع عن رداك ترك الدنس ماهوب عيب
أنت السراب اللي خذل عطشان في رمضا هيام ... وانا على صحراء لجفاف الصاح في قلبي قليب
أنت الضلال اللي هرب لي جاه حر الشمس نام ... وأنا الغصون اللي شمخت للشمس تشرق أو تغيب
وأنت الرماد اللي غدا من جمر غدراك للقمام ... وأنا كما عود البخور إلى احترق يزداد طيب
معذور تخطي يا الردى وش جاب للمساطي سنام ... والله ما ارفع منزلك وارد لك عيبٍ بعيب
عبد الله بن صالح أبا الخيل
وقال أيضًا: