وقال ابن الصغير أيضا:
لي دعانا شيخنا جينا ... لابتي بالكون تنشاف
من سمع لجت عزاوينا ... قام قلبه يوجف اوجاف
وبل من ناليه بيدينا ... لي قضبنا حدب الاسياف
والمخاير يتقي فينا ... ننثني دونه إلى خاف
للحرايب مستعدينا ... لين راع الدين يستاف
يا الله انك تنصر الدينا ... كان هو للدين كشاف
واحذروا عن حيلة فينا ... لي عطا عهد، وله قاف
وقال:
من راح منا ما محنا ... يا عيال ما نبكي عليه
يا البيض باللي تعشقنا ... والعفن قولن ما نبيه
شو من لقرم ما توني ... والموت ما يطري عليه
والله لجينا عند اهلنا ... يالعفن ما نثني عليه
نثني على اللي يوم سرنا ... هذاك سلم لي عليه
والحرب حق لو حربنا ... والدين نبغي نقتضيه
وقال:
يا شيخ يا طير الهداد ... إظهر أو حنا لك نظام
نبغي على راس المعادي ... يوم أن يهب الولام
يعيال يا شَمَّة فوادي ... ترى الفرج كرب الحزام
مير اتركوا كثر الدوادي ... وانخوا رفيعين المقام