كل من فيها يعاوي ... حار غله في اشبانه
هالسنة سنة الديانه ... لا فلوس ولا رهانه
خصه الخراز قازي ... صنعته ما به مغازي
كل خراز متوازي ... دايم بقلبه حنانه
هالسنة سنة الديانه ... لا فلوس ولا رهانه
النخل ما من كداده ... صلخوا جملة اعياده
السبب قل العبادة ... وقتنا ما فيه خانه
ما بقى غير السبايب ... والتقاطع والنشايب
فايز به كل خايب ... والتقي يكسر جرانه
هالسنة سنة الديانه ... لا فلوس ولا رهانه
هالسنة كل كست له ... عقب عزهاله حل قتله
وانقضت عزمه وفتله ... صار من عشره ثمانه
هالسنة سنة الديانه ... لا فلوس ولا رهانه
هالسنة سنة الديانه ... لا فلوس ولا رهانه
كل خراز يلالي ... خايف يعتاز تالي
والله المعبود والي ... ربنايا عظم شانه
هالسنة سنة الديانه ... لا فلوس ولا رهانه
ضامنٍ مرزق عبيده ... رزقهم معلوم بيده
يحسب الراكض يصيده ... ما كتب لك جاك امانه
هالسنة سنة الديانه ... لا فلوس ولا رهانه
وقال علي بن طريخم في التتن والتدخين: