يلعب الدوَّاي واللعب ما جودي … والمثايل كلها باخصٍ فيها
دام أبو جاسم على القاع موجودي … ما علي من السوالف وأهاليها
الأمير اللي على سبعة جدودي … كوكبٍ ما ينقصنه ضواميها
يا محمد جاذبك شايب عودي … له فعولٍ قبل محدٍ يسويها
ومن أشعار الأمير عاصي المسيلم يشبه الرجال بالإبل ويشبه الأمير للقبيلة إما يكون مثل الراعي الصالح أو الراعي الغشيم قال:
البل (الإبل) مواليفٍ على كل مصلاح … والسيب عاداته يرَّغي قعوده
وقلبي معلمني وأنا كبر بدَّاح … واعلم اللي هافياتٍ جدوده
وحنا هل الطولات في فايت الراح … والبيت في الضيقات حنا عموده
مبارك وسالم أخوان (¬١) وهما أبناء الأمير عيد بن سالم بن منيع بن سالم المسيلم واختها هدباء وهي العطفة المعروفة عند الرشايدة وقت حربهم وكانت تركب هودج أثناء القتال لتصيح على الفرسان وتقوي عزائمهم حتى لا يهابون الموت ولا يبالون بالأخطار وقت الصدام مع الأعداء.
وهنا نذكر شعرًا نبطيًا محفوظًا لدى رواة آل عاصي من المسيلم يؤكد أن مبارك هو أخي سالم .. وقال الشاعر:
يا لعين ما شفتي مبارك ولد عيد … تبكيه هدبا والمهار المغذاه
العام عيدٍ للوجيه المساعيد … واليوم في خشم العويرض دفناه
يا عيد يا عيد الثنا يا بن مسيلم … يا ريف هجنٍ تالي الليل رايح
ياوي طريح يالفتي يا بن مسيلم … يابو هلا وقت الليالي الشحايح