صواعد يستاهلون التماديح … هل البويضا من صناديد نبهان
واذكر إلى عديت جمع المصاليخ … منه القرشه والخرشه المجاويخ
ومنها الدروع اللي ذركرها التواريخ … نسل المريدي من صماصيم مرخان
ومن الخرشه نذكر رميح وازبون … وأيضًا الخليفه بالمواجيب يوفون
وجمع المعلا يلطم الخصم بالكون … أربع بدود وخامس الفخذ بلصان
يقودهم شيخ سلايل خليفه … ابن يعيش اللي فعاله شريفه
يوم المراجل والحروب العنيفه … هم خزنه المظهور قيدوم الأعيان
ولا القرشه باللوازم امسمين … نعدهم عند العدد حول قسمين
فويرس ومذهل قروم الغلامين … ونعد بعض أقسامهم دون خصران
شبوات بفويرس ولابة عضيدات … ومذهل نجب بالطيب والفعل سادات
ما عقب نجيدي زبون الونيات … مع شحاتيت وما يضمه سويدان
واذكر بشر من صلب عمار وعبيد … من نسل وايل حافظين التقاليد
متوارثين الطيب سلم وتعويد … قبايل فيها بيارق وسلفان
من مارثه عمار سلقا السلامه … ودهامشه ساس الفخر والشهامه
وعيال جبل قايدين الجهامه … ولابة جبل منها صقور وحبلان
منها بسسات وعزوة سحيم ودشاش … وهيازع وغشوم يفداهم اللاش
وختارشه وعيير حامين الادباش … وجعيثن ومنهم سلايل عدينان
وعيال حسن والمداميغ الأبطال … ومنهم ذيبه طيبين بالأفعال
مقدامهم شيخ الشيوخ ابن هذَّال … ياما رعا ما بين صلب وصمان
وصقور ضد المعتدي عن الأهوال … لهم الفخر من دور صقر ولا زال
مصاعب الشجعان ودلمه وجلال … ثلاث والرابع شغاميم دهمان