وعيال حسن والقروم الدلاهيم … عدوهم قلبه من الغبن مرضان
ومن حمد الفايز وايضا السنابل … ورمحه اللي ينطحون المقابل
مع الشوارب يوم للهيج وابل … ومن حمد فحيمات ورجال جضعان
وحسن نجب لابة نغيمش وعوده … ولابة مسيلم من قديم محموده
وعيال عيد من القروم معدوده … وخلفه صويدر من صماصيم وذنان
واذكر إلى عديت ما جاب دلهام … فرسان كان ابن السعد عندهم قام
عيال مقرن هابهم كل هوام … والثاني المنجوب خلفة رشيدان
واعد من محمود والنعم بسهول … جلده ونطلان مبطي لها فعول
وصنعا وناصر لابة تحمي الشول … والنعم بسحبان ورجال غثمان
وايمنه مروين السيوف الرهيفه … منهم صناديد الرجال الخليفه
وسواريه هل الفعال العنيفه … وثالث بدايدهم سلايل دبيان
وفضل مبيد الضد في رمح وحسام … قوم صليبه ما بهم قول نمام
ومن فضل عدينا مقشعر وتمام … نعدهم بالطيب والحق ميزان
وغضاوره منهم إبراهيم واوفود … وكلخه ومفلح هل الفعل والجود
عن ذكرهم ما ذخر من القول مجهود … عقيل وايضا طايل المجد حبشان
وخمشة الشجعان يوم اللغاشين … شواقيه وعيال حربي مع قرين
وصوامله يثنون عند المظاعين … وخامس بدايدهم صواريم قعدان
والسلمات أهل الطعون المعاطيب … نقوة رجال باللقا تحمي النيب
ضحوه وعوامره وايضا اكليب … ربع الشقاوي كاسب المدح فرحان
ومن حاضرة وايل مشايخ وحكام … سور العرب حامين رايات الإِسلام
منهم هل العوجا مزيلين الاوهام … شادوا عماد الدين في خمس الأركان
اشبال مقرن حاكمين الجزيرة … تاريخهم مكتوب في كل سيره