يشهد لها التاريخ ماحد جحدها … تحضرت بالدور من غب هبران
حمايل يصعب علينا انحصاها … بسدير وبلاد القصيم وقراها
من اقصى الحريق إلى المنامه مداها … للبصره الفيحا إلى حد نجران
من صلب وايل بالقرايا حواضير … من ديرة الهدار للعرض للدير
ومن حد خيبر للزباره الى زبير … صانوا نسبهم لو يكونون حضران
وش عاد لو هم بالمنازل بعيدين … على نسبهم والكرامه امعيين
أولاد علي من قديم عزيزين … ما هم نزيه لو يسمون قصمان
أولاد وايل ما بدا مجدها اليوم … من دور عصر كليب ثم ابن كلثوم
الفُرس تشهد وأيضا الترك والروم … وتشه لهم كِنْده وحِمْير وخولان
وتشهد بني خالد وحرب مع مطير … وعتيبه وبني صخر والمناصير
وشمَّر هم وقحطان صيد المناعير … وبلي وجهينه من قضاعه وسرحان
وظفير تشهد سابق المجد وسبيع … وكل القبايل والقروم الصعاصيع
تظهر ثناهم في جميع المواضيع … مع الدواسر والهواجر وعجمان
ومن كان للتاريخ عنه حفايظ … ينظر ويقرا طيبات القرايظ
شعر الفرزدق في كلام النقايض … وابن كثير وما يعد ابن خلكان
وايضا كتاب أبو الفرج وابن خلدون … يذكر لهم مجد تليد له قرون
الشاهد التاريخ والناس يدرون … عن مجد وايل شامخ تقل ضلعان
ويعد بالشيمه كتاب ابن مارك … بالطيب وعلوم الفضيلة امشارك
يذكر فخرهم يوم دور المعارك … ويعد ما شافه بصدق وعرفان
تاريخ وايل من قديم عجايب … تخلب على خزاز بادت كتايب
وبكرا عثت بالفرس يوم الحرايب … ذي قار فازوا به سبب بنت نعمان
وقلعة حلب عن سابق المجد تنبيك … فعايل الويلان ما فيه تشكيك