تلقاه من بعض المشاغيل مشغول … لو الهته عليك ما يقصر قراه
يا مرسلي من بعد رد التحيه … قدم تعازينا على ما توراه
في الغالي اللي ما رضينا فرقاه … واظن وسط الخلق ما حد راضي بفرقاه
فيصل كما قصر وخالد كما الساس … ولا ينتهي قصر مدى الساس تلقاه
وفيصل كما رمح وخالد كما السيف … رمح سنينه وسيف مسنون في مسقاه
وفيصل كما وادي وخالد كما النيل … نيلا يلولا القيف ما ينحكر ماه
وفيصل كما صقر وخالد كما الذيب … عيال منهو جابها بالمغازاه
عبد العزيز الله يرحم عظامه … خلف وراه ملوك والملك لله
سعود عدا عنه الخبر زين … الله بعد أبوه بالملك ولَّاه
ثم عدا زمانه خالد تولى … الله من كيد المعاكيس يا قاه
إلنا عشم فالله ياجي مثل فيصل … وأظن طيب الزرع من طيب ذرَّاه
تمت وصلى الله على سيد الملا … محمد اللي بالرساله تبعناه