قصيدة للشاعر: عجير بن طلمس
يا راكب حرٍّ دله بالمخاضير … متيه (¬١) كل الشتّا مع ربيعه
يسرح على تلقيطة الحوض للبير … والعصر بين منيصفه والوريعه (¬٢)
يلفى بيوت تمنتها الخطاطير … يحول (¬٣) لوهي للنزايل مطيعه
خالد لفانا صايل بالمظاهير … يقول من ربعه علينا هزيعه
جونا وجيناهم وسقنا المغاتير (¬٤) … سوق الجلايب يم سوق المبيعه
حنّا نبيع العمر دون الغنادير (¬٥) … بعناه بيعه رمة مستبيعه
صفوا وصفينا عليهن طوابير … وردن بنا ورد القطا للشريعه
تغاوزوهن يابسين الحناجير … وغدا لهم عند الاهاوي منيعه
والله يا لولا نايفات الشناظير (¬٦) … ما عاد يرجع من يهرج رضيعه
غنيم قفا بالسبايا مدابير … وأراط (¬٧) سال من أحمر الدم ريعه
قصيدة للشاعر الصقلاوي العازمي (¬٨)
راكب اللي ما تدانى العراقيب (¬٩) … من مناجيب المناصير (¬١٠) خبابه (¬١١)
مثل قوس عدلوه اللواعيب … مِنوة المطرق (¬١٢) ليا منه اومى به
راكبه بالك تمر المناصيب … راعي الهفوف وقف على بابه
شيخنا عبد الله اللي له الطيب … مثل قيفٍ (¬١٣) عن سموم تذرى به