تِشْدي لصيد هاج مستجفل … والا ظليم (¬١) شايف زول لقاف
قلته وأنا نفسي من السيق طايبه … ماكنِّي إلا طير في راس مشراف
رزقي على اللي ما تحاصى فضايله … اللي ليا منه عطا مده جزافي
يا عاد لا غيصٍ يلاعب حجرته … ولا نيب سيب شغل مجداف (¬٢)
احدٍ تشوفه احواله مصلحه … وحدٍ غناويِّ وملبوسه دفاف
وحدٍ غناته من موارث جدوده … وحدٍ غناته عقب غربال وكساف
قصيدة للشاعر العازمي رجاء بن سعدون بن فزير (¬٣)
البارحه قلب الخطأ وصل حده … من شدة العربان بعد المقاطين
القرب عقب البعد ياشين ضده … اليا استوي ناسٍ أمودين
يا صار تفريق على أول موده … أول تولعت القلوب بهوى زين
اتخلي العشاق ينباح سده … فرقى الضحى تفجع قلوب المودين
بدوٍ نووا عقب المقاطين (¬٤) شده … واقفت بهم عقب المقيض (¬٥) البعارين
مدوا وشدوا عقب مقطان مده … حزه طلوع الشمس يمشون عجلين
مظهورهم (¬٦) كنه المشومر (¬٧) يحده … عجلين بالمظهار .. بدوٍ هميمين
يتلون (¬٨) براقٍ امزونه مده … خمسة عشر شدَّة على الوجه مقفين
بدوٍ تلقط بالقفاقيف (¬٩) جدّه … ما سايلو عن راعي القصر والطين