ليته بدار الهند وسيلان مرباه … أرجيه ياتيني ولو هو مقلِّ
لابيّض الله وجه يوسف وجزواه (¬١) … يالرّبع! من قبله لغيصه يخلِّي
جتنا هدومه (¬٢) عقب عشر مطوّاه … لا ساعد الله طارشٍ (¬٣) جابهن ليِّ
والمهرة (¬٤) اللي عندنا له مغذاه … ركابها عُقبه لعله يولي (¬٥)
قصيدة للشاعر حوشان بن عبود بن سويلم (*) العازمي
يا ركب عُوجوا روس شيب المحاجيب (¬٦) … مقدار ما يزهب من البنِّ فنجال
ومع السلامه وسلموا ياهل الشيب … سيروا وخلوهن مع الحزم جفال
حاذور لاتاطون درب الضواريب … مع صحصح البيدا شليل وزمال (¬٧)
لزوم مرّوا لي رضا (¬٨) كامل الطيب … ساعة تجونه عنكم الهم ينجال
يبدي لهم رفعة احجاج وترحيب … ومن غير ما ينسف من الكيف بدلال
بدلان يشدِّن البطوطٍ (¬٩) المحاديب … ونجرٍ (¬١٠) على الشطات ما هو بـ ينزال
بالطيب بان وقد مضى له تجاريب … فعل لبوه وجابه العم والخال
سلم عليه إعداد رمل العراقيب … وعداد ما يمشي على الخد من مال
وسلم عليه إعداد ما هرول الذيب … وعداد ما لبي الملبي بالأميال
وقل له: هوى بالقلب جرح وله غيب … جرح هوى بالجوف خطرٍ على الحال
جرح وعجز به جميع الأطابيب … لاهو بـ لاحمي ولاهو بـ سلّال