والسيف له حدين وادباب وانصاب … واليا عطى المعطي بعي وكيله
والماص ل مفراص واللوح مشذاب … والعنق يقطع بالسيوف الصقيله
اليامن شيخ القوم عن ماقفه هاب … ادر انها راحت عليهم سحيله
واليا استدل الراس في راي الاذناب … غيم سماه وعرضوه الفشيله
وإن صار ما للحق بالقوم طلَّاب … تبقى الفريضه عندهم كالنفيله
من الخطايا بالرجل ترك الاسباب … واغذاه دم اقراه باردا فصيله
من لا حسب للمقبله مية احساب … النفس تامر سبدها بالرذيله
البير له حفار والدلو جذَّاب … والوقت ثابت ما تغيَّر موديله
اللي تغيَّر من لبس جلد سنجاب … غير تقاليده وقلَّد زميله
واللي اليامنه وصل حزم كلَّاب … من ردنه المياخ عمر سبيله
فهار بالبتار عكفان الاشناب … تهاب عكفان الشوارب مقيله
راعي هلا بالاجنبي مثل الاصحاب … بنفس على الميسور ما هي بخيله
تحت اسمر مبني على سبعة اقطاب … ونجره بنادي للنشاما عويله
اليوم ينظر له تقل وسط دولاب … يكن عبراته ويكتم غليله
حل بمحله من احديه إلى اغراب … على الجميل يشاورن الحليله
ناس مجالسها نميمة ومغتاب … ولا اربعه والكل يشتم قبيله
قوم تحسينها ملاعن وكداب … متبادلين الساذجات الهزيله
ولا اعم كل الناس والكثر غلَّاب … والسالمين اليوم ناسٍ قليله
والناس مثل الأرض وديان وهضاب … يا فاهمين مقصدي وتحليله