عيس عليها من حلى الصيد جلحود … ذارن وشافن بالصحاري رعايا (¬١)
اقفن وقفن صاعهن ريح بارود … وانحن مع البيدا وذيك الزرايا (¬٢)
والى وطن بخفوفهن فوق جلمود … عينت له من دوس الانضا شظايا (¬٣)
وإن شرفن في نايف الجال بصعود … فرن وخرن كالنجوم الهوايا
هجن براها السبر والدرب والكود … حتى غدن مثل الجريد العرايا
لو هن من الصمان وبلاد صاهود … من هجهن للبيد فيهن بقايا (¬٤)
خلوا النضا تقطع فدافيد وخدود … مثل النعايم لا حدتها الرمايا (¬٥)
وشعاد لو ضجن من السير والكود … حتيش لو تشكي الحفا والونايا
هيا عليها يا شغاميم وفهود … ريضوا قليل واحملوا لي وصايا
فالى قضيتوا يا هل الجيش مقصود … كبوا المطايا عند بيته جثايا (¬٦)
اعطوه خطي يا مطاليق بركود … فيه السلام اعداد نبت الخلايا
سلام مني ما هطل وابل جود … عد النبات ورملها والحصايا
وعد ما شالوا على الجيش غرود … ربع غناهم للمطايا عصايا (¬٧)
دون اللزيم تشوف ريضان وعدود … بر سقاه من الوسامي سقايا
الصاحب اللي على الطيب وعهود … فرض علي مواصله والشكايا
صافي الكلام وفاتني كل موعود … وارجوك تسمع ما مضى من حكايا
لا قيل من هو قلت مروي شبا العود … خيال حرد والسبايا نحايا
عيد الركايب لا لفنه على الكود … توجف باهلها والمزاهب خلايا
فتال مبروم وحلال معقود … عساف عسرات البيوت البلايا
زيزوم قوم زبنوا كل مطرود … زبن الطريد اللي دهنه الدهايا (¬٨)
من لابة ظفران لا ثار بارود … وبحور في باب الكرم والسخايا