واخلاف ذا دنيت من خبرة النضا … على منوة الركاب عشر ذلايل (¬١)
بهن يطفق المختار لا داج وسطهن … سوى زينهن حطوا عليهن الأوايل (¬٢)
وقلت ارفقوا لي يا هل الهجن واقهروا … قدر ينتثر حبر على الخط سايل
اجمل كلام مع سلام وبارسله … على مستحق للرسائل يخايل
إلى تم خطي قلت هيا توكلوا … على ضمر مثل الجريد الذبايل
عليهن طروش تالي اليوم وجهوا … إلى برد النسناس عقب المقايل
سفاين فجوج البر الالحان ولمهن … إلى رجعوا به ذاكرين الخلايل (¬٣)
الى سمعن الطارق وحثن مسيرهن … وترامن على البيدا كبار الثمايل (¬٤)
شادن عذاري بين صفين ملعب … ضحى عيد الاضحى ينفحن بالبسايل
الى تماروا فوقهن كن وصفهن … قطا مقتفي تنحاه عكف الشبايل (¬٥)
عليهن قوي العزم جسر على الخلا … دليل بلا ديراتهم والنوايل
الى صاحبي لحدان تلفي نبايبي … بسلام وخط فيه رد الرسايل
ردوا سلامي له عدد وابل الحيا … وما اخضر قاع سال عقب المحايل
الى من لفيتوا يا المناديب فابشروا … بطلق وترحيب قفتها السهايل
سوى طبخة تحمس ويومر بغيرها … مع منسف فوقه من الضان حايل
قل يا نديبي له بقول النديم لك … انا من زمان افكر وعيني تخايل
زمان تغير حالنا فيه وابتدل … على ذا يعال وذا على الناس عايل
هل الملبس العالي من اول تبدلوا … ما يلبسون الا الهدوم السمايل
وهل الملابس الداني من اول تغيروا … بشالات وبشوت زهت بالعمايل (¬٦)
فلا ينحزن من طيب ضده الدهر … وهو قد مضى له من قديم فعايل
ولا يغبطون اللي رهي حلالهم … كثير ما في اليد والانفس بخايل
ترى اللاش ملزوم الى كثر ماله … بعده على درب الردى والرذايل