صاروم له في ماكر العز تصعيد … وفي مكسب هل الطولات هل من مزيده
ابن سعود اللي ملك واسع البيد … عبد العزيز اللي فعوله حميده
فيدوم شمطان القروم الا واليد … سور العروبه ضد كاد كيده (¬١)
ضرغام له جند نماره مجاليد … من هيبته ما احد طلع رون سيده (¬٢)
يخشاه راعي البوق ما ياخذ القيد … والخيس منه ما تقص الجريده (¬٣)
وأيضا المنفق ما تنقل الا ضحى العيد … واشباه ذلك من ملابس جديده
جعله لنا ذخر إلى يوم تابيد … واللَّه يمهل له سنين بديده
تمت وصلى اللَّه وسلم بتجويد … على نبي مخلص بالعقيده
المصطفى خاتم عدد الأنبياء السيد … طه رسول اللَّه محبه وسيده
محمد اللي وحد اللَّه بتوحيد … شفيع تباعه بيوم الوعيده
وللشاعر هادي بن عبد اللَّه بن القعيمة القحطاني، قصيدة طويلة يفتخر فيها بوطنه وقبيلته نورد قسما كبيرًا منها:
باسم اللَّه وأبدي بالتحية … على دوري وكل له حسابه
عسى ربي على الخير يهداني … يفيد المستمع واللي حكي به
وعلي أقول واوضح كلامي … ومن لا ينعرف وش ينبغي به
وعلى السامع يتابعني بدقة … وقاضي الحق لا استوضح قضابه
وأنا مقدر على اقناع المغفل … وحر الطير يعرف من غرابه
وعفوا ما أقصد إلا كل ناقص … يعيش بنقص عرفه ويحي به
وأنا لي مع هل الجابات جابه … وكل يفتخر بأحسن جوابه
مع أهل العرف لي رمية جماري … وعلى ربي خطأ الرمي وصوابه
وعلى اللَّه كل وضعي واتكالي … هو الخلاق وإليه الانابه
وعفوا لو بغيت اذكر مصيري … أنا من جب حاميته حرابه