تبينوا بالطير واطلع بتوكيد … وهو ضيع صيدته في العجاجه
وصاحوا عليه ورد راسه بتعويد … وقالوا مقيل وراحه انعدواجه (¬١)
وسووا لهم قرص لناره تواقيد … وكلوه من بين النياه ونضاجه (¬٢)
واللَّه عقلهم سالمين التلاديد … والفوا بعلم الما القراح وهماجه
وله:
جعل المخايل تسقى حزم جراح … لي هفوة فيه خوطى طماني (¬٣)
يا حظ ابو من قنص به كل مصباح … بمقلم الريش مفتوق الثماني (¬٤)
حر طبيع ولا يحتاج ملواح … والى شهمته على الصيد شفاني (¬٥)
يا بعد طلعه على الشويف لا راح … يا جعل يفدان خطوات الهداني (¬٦)
يوم أبرق الريش يزفن كنه مزاح … كنه على الخرب نقال الوحاني (¬٧)
لا من ضربها وعرقى قبل يلتاح … لا برقة الريش مثل القحوياني (¬٨)
فلا نحرها بكفه كنه ذباح … للدم في السبق مثل الزعفراني
يا زين ضراب وكره عقب الامداح … والمبرقع اللي مجاذيبه لياني
وقال ابن عفيشة:
يا أهل الولع بالطير وعناية الصيد … نقله مع قرب الفحل في هياجه (¬٩)
ماريت اللي يعتني به تراديد … مثل الهبيل بهمته واختفاجه (¬١٠)