لي سمع المصوت جاه هِلِّه ... غلق البيبان والبَدْ بالعباةِ
علّ سلال الملا حاله بسله ... لا يورث لا عيال ولا بناتِ
قال سلامة العبد الله الخضير:
لا والله ألا حاربت عيني النوم ... سَهْر ومثلي لو يسهر ما يلام
والكبد مني حاربت كل مطعوم ... والقلب يرعي به جراد تهامي
غديت مثل اللي عن الديد مفطوم ... وأمه خذاه الموت قبل الفطام
حدد لي الموعد ولا زوده يوم ... وانا حبالي ما تسقي الضوامي
غديت مثل اللي بمسراه منجوم ... تاه الطريق وواهج القيظ حامي
وقفت أنا لا أمشي ولا اقعد ولا أقوم ... أسبح واسجِّم واعضض بهامي
وقال سلامة العبد الله الخضير:
يلوم اللي عن النوم جزان ... هيض غرامي هيض الله غرامه
المج العينين والنوم ما جان ... ما لوم قلبي لو تزايد هيامه
عز الله انك تايه يا سليمان ... يوم أن قضى لازمك تنسى العلامه
تمطع يمين ما تعدي مسيان ... عيب على الرجال يزل بكلامه
ترى الرجل يا زن جوابه بميزان ... ومثلك على الزلات يلحق ملامه
الحر حر بيِّن فيه نيشان ... الحر حر والفدامه فدامه
زل الوعد يا مسندي جان الأذان ... زل الوعد كلٍّ سرى في منامه
مهوب حق راعي المال بنهان ... كلٍّ يبي شغله بدور تمامه
محاملي ما هي ذهب، روس عودان ... متواسي عقلانها مع عدامه
أشره عليك وخاطري منك مليان ... كيف أتجمل بك وصارت ندامه
تلعب بعقلي يا الفتى لعب رضعان ... حطيتني بيدك سواة الحمامه