حرقهن البن اليماني ابتكرير ... وبهارهن هيل ومع الهيل مسمار
قدوعهن من طلع غرس مباكير ... غرسه ابكفه ما تحر! من الجار
منها يفيد وتستفيد المفاقير ... عله حجاب له عن الفقر والنار
ابوه صالح ما يوصف على الغير ... شيخ جليل له تواريخ وأذكار
ماكر حرار ومن رجال موامير ... ريف الضعيف اللي عليه الدهر جار
صالح كما علي عليه النواعير ... عدٍ قراح صافي ما به أكدار
بالضيق ينصونه هل الضمَّر العير ... كم ليلة جنه من البعد عبار
بكوارهن يقدونهن بالبواكير ... أحدٍ يجي عن عرف وحدي بالأذكار
ينصون قصر في ركونه مقاصير ... أمبرهج بابه الزاير وخطار
ذولا مواريد وذولا مصادير ... انشد وتعطيك الرجاجيل الأخبار
على دلال فوق ناره مباهير ... قدوعهن شقرا ومع الشقر قطار
وصحون زاد فوقه السمن والخير ... وظهور خرفان مرابيع وكبار
قلطهن اللي ما يهاب المخاسير ... عنده خبر رزقه على مجرى الأنهار
قال اقلطوا يا أهل الوجيه المسافير ... هذي عوايدهم على العسر ويسار
قلته وأنا عندي الماقول تعبير ... والناس كل له موازين وعيار
أبعتذر عله تفيد المعاذير ... ونبي السموحة منك يالوالد البار
عود كبير وحاصل لي عواثير ... كن القدم ياطا على حدمسمار
الكامل الله والقدر يجدع الطير ... ماله عن المكتوب ملجا ومظهار
مير، اسمحولي كان بالقيل تقصير ... تمت وصلى الله على سيد الأخيار
سلامة العبد الله الخضير
قال سلامة العبد الله الخضير:
جينا حمد واخلي محله ... كنبلين فوق راسه ضافيات
الردي خله على يسراك خله ... لا تمره بالصباح وبالمباتِ