من مدلهمٍ تالي الليل محلاه … نون قوية براقها يشعل اشعال
ليا فات عشر وعشر تشبع رعاياه … يقبل ربيع الناس والهم ينجال
مزين زهازيم الحيا في شقاياه … ليا صار عقب السيل ديمات وخيال
قضبني البرية وقرطاس ودواه … ابكتب المارود في زين الأقوال
قولٍ غريبٍ من ضميري نقدناه … نقد الدراهم عند أهل صاحب المال
في عرض قرطاس كلام كتبناه … يشدي اردوع أوشام زين التعزال
وركب على اللي يطرب القلب ممشاه … ياطا على ربل ودراج محال
ملفاك ابن جافور والخط ينصاه … فهاد يوم إنه على الحمل شيال
تكفي يابن جافور لا واحلالاه … يا قلبي اللي راح مع ساقه الحال
امسمر ما باقي إلا سماياه … لو تازنه ما يستوي ربع مثقال
من مودمانيٍ على غاية اصباه … لاماه عيد وضد فرقاه غربال
القيض جابه وأول الوسم وداه … وتفرقة عقب المقاطين الإنزال
قالوا تمنى قلت قربه ولاماه … يا الله بالا قبل قصف الامهال.
(يا مرحبا)
رد الشاعر فهاد بن جافور على الشاعر رجا بن فزير:
يا مرحبا باللي لي الخط وداه … كز السلام أول وقفاه ما قال
ما جاب برجه وواصل الخط شرواه … ذكره ربع بالحشا عقب الامحال
عين عيون اللي نخاني من أقصاه … يشكي على فراق زين التعزال
أبجتهد باللي لعبه وعنّاه … عشيري اللي تاه في غي الاجهال
في ما مضى كد صابني مثل ما جاه … يا كيف ألومه عقب ما أونست بالحال
واليوم تبت وجزت واللعب مشاه … العين صدت عن مراعات الأزوال