لولا الصحيب اللي نصاني بدعواه … كان المثايل ما طرالي على البال
يقول لي تكفي ترى الصبر ما قواه … وده على خلّه ولا هو محتال
اتعبت رجلي لين خله لقيناه … في أطراف ديرتنا قريب ونزال
وادركتله خلّه وقبضته إياه … هذا جزله يوم يشكيلي الحال
(يا نوخذه)
قال ابن جافور:
يا نوخذه عنك المراجل بعيده … الطيب يا وجه الدجاج لهاليه
الطيب دربه كايد ما تحيده … والربربة سهمة فؤادك وطاريه
امدحك بالشعرى (¬١) وقرص الحديد (¬٢) … وجدر العزاله بالعماله تسويه
والحنّه اللي كل يوم جديده … شيبت وأنت إلسانك إبليس مغويه
اما الردى تسند على الدرب سيده … والا الصخا (¬٣) والجود مخطي مجاريه
ليا أونس خويك قلت عيار صيده … تأدبه كنّك من السوق شاريه
إكثر الحنّه وهي ما تفيده … إلسان وإلا المرجله تقصر ايديه
عسى الذي برضاه تسجد عبيده … يقدر عليه إنه عن الخد يخفيه