قال محمد عبد الله (¬١) الرشيد (¬٢) في وقعة يا طب:
عزيل قلب كلما قرب الليل … عليه صارن الدقايق جلايل (¬٣)
اعتاض عن طيب الكرى بالتعاليل … بافكار واذكار وقول وقايل (¬٤)
والعين كّن أبموقها يدرج الميل … عيت تطيق النوم من فور جايل (¬٥)
علي بني عمي سنادي عن الميل … نطاحة الكايد كبار الوهايل (¬٦)
اقفوا كما مزن ثقيل المخابيل … من زاعج الغربي حدر له شعايل (¬٧)
شمر مقابيس المنايا هل الخيل … عصم الروايا مقحمين الدبايل (¬٨)
يا دار وين أهل المهار المشَاويل … أهل النزول اللي تعز النزايل (¬٩)
بكيتهم يوم ارتكم فوقي الشيل … وذكرتهم يوم اقبل الضد صايل (¬١٠)
وصاح الصياح وطوَحنِّ الهلاهيل … وهلت دموع امعكرشات الجدايل (¬١١)
وقلت ابشرن ما دام بالعمر تمهيل … ما دام ما رزت عليَّ النصايل (¬١٢)
لا تبكن الوحده وقل الرجاجيل … ما دام عين الله علينا تخايل (¬١٣)
